मुछ्यळू  अंगरू गिंडकू 

मुछ्यळू  अंगरू गिंडकू 
 रिंग्यूं रिट्यूं डूंडू 
कनि बि हुयां , कुछ त काम आन्दु ही आन्दू च 
पण निर्भागी खुंच्या 
कखिम ह्वा -दप्प दुप्या दींद 
 खुट्टी ह्वा हथ ह्वा 
खट बेदी दींद 
कैबरी त आँख बि घचोरी जांद 
खुंच्या मा हिटणु क्वी क्वी जणदीं 
सब्यूं कु बसौ नी च 
पर जख रिंग्यूं डूंडू गिंडुकु 
अर खुंच्या ह्वाला 
वख त   बिजोग प्वड़ण 
अब यखी देखल्यादि 
उल्टा दबळन रिटौणा छन क्वारु चूनू 
कनक्वै खैंडेणु छ चौछ्वड़ी 
लुछालुछ हुईं छ
खुंच्या राज ऐगे भैजी 
खुंच्या राज ! 
(Ref-Angwal,2013)
Poetry Copyright@ Poet
Copyright @ Bhishma Kukreti  interpretation if any 

सर्वाधिकार @ भीष्म कुकरेती
Copyright @ Bhishma Kukreti, 2024